ئۆزگوور: ئەتیک، فەلسەفەیا ئەتیک، د وارێ فەلسەفێ دە دخەبتە و دبێژە ل هەمبەر لیستکێن ئەمپریالیستان فکرا ئۆجالان ژ بۆی هەڤپەیمانیا د نێڤبەرا کورد و ترکان دە باشترین فکرە، و ل سەر ناڤێ خوە و هەڤژینا خوە داخواز ژ وە کریە کو تەعلیماتان بدن وان دا کو د چارچۆڤەیا بانگا وە دە ل فرەنسایێ چالاکیان لدار بخن.
سەرۆک: باشە، ئەڤ گرینگە. ئەز ژ سەردەما شۆرەشا فرانسایێ ڤە، ژ بابولێ ڤە، لسەر سۆسیالیزمێ دسەکنم. ئەز هەول ددم ژ فرەنسیان تێبگهم و وان بکم چاڤکانیا ئیلهامێ، ئەڤ ژ من رە پڕ گرینگە. هوون نامەیەکی بنڤیسینن، دڤێت بەری ڤێ یەکێ لێکۆلینەک ناڤخوەیی ل سەر ئەرتوغرول وەرە کرن. ژ بادیئۆ رە ببێژن تشتا کو مە پێکئانیە نە تەنێ باندۆرێ ل ترکیەیێ و رۆژھلاتا ناڤین ژی دکە، لێ د ھەمان دەمێ دە باندۆرێ ل گەلێن جیھانێ ژی دکە.
بێی ناڤ ئانینا ئیسرائیلێ ڤێ نامەیێ بنڤیسینن، پرسگرێکا غەززەیێ ترسناکە. من کارینا رێگریکرن ژ ڤان کارەساتان هەیە، و ئەز کاریم ژ ئالیێ ئاشتیێ ڤە خزمەتەکە مەزن یا ناڤچەیێ بکم. ئەڤ هەولدانێن مە ل دژی راستگرێن ل ئەورۆپایێ ژی وێ سەرکەفتی بن. موخاتەبی ئۆزگوور، ئەز فەرمانەکێ ددم تە. ژیژەک ژی ھەیە، خەلاتا نۆبەلێ ھەیە، دڤێت تو ب وان رە ژی باخڤی و نامەیەکێ ژ وان رە بشینی. شانسێ سەرکەفتنا ئاشتی و دەمۆکراسیێ و سۆسیالیزمێ هەیە. ژێ رە ببێژە کو سلاڤێن وی گهیشتن.
ئۆزگوور: هەفتەیا بۆری ل رۆمایێ کۆنفەرانسا ئازادیا ژ بۆی ئۆجالان و چارەسەریا پرسگرێکا کورد هەبوو، ژ سەدی 95 یا بەشداربوویان ئەورۆپی بوون، ژ ئامەریکایا لاتین، ئاسیا و مسرێ ژی خەلک بەشدار بووبوون.
سەرۆک: ب راستی؟
ئۆزگوور: پرانیا بەشداربوویان ئینتەرناسیۆنالیست، سۆسیالیست و ئانارشیست بوون، و کەتنە د بن باندۆرا فەلسەفەیا وە، لێکۆلینێ ل سەر رێبازا وە دکن، د داوییا کۆنفەرانسێ دە بریار هات دایین ژ بۆی خەلاتا نوبلێ تو وەری نامزەدکرن.
سەرۆک: من مارکسیزم د بنگەھ دە گوھەری. مارکس ژ شەش پرتووکان تەنێ یا ئەولی نیڤیساند. و وی ئەو ژی وەکە سێ جلد نڤیساند. وی جلدەک نڤیسی ھەر دو جلدێن دن ئەنگلس سەرەراست کرن. ئەو ھەر سێ جلدێن دن مان. ئەو پرتووکا مارکسیزمێ یا دەستێ مە دە نیڤ تمامە. ڤان 200 سالێن داوی ریال سۆسیالیزمێ قەدەرا مرۆڤاھییێ تێکبر. وی شەرێ کاپیتالیزمێ نەکر بەروڤاژی ژییان دا کاپیتالیزمێ. من هەلسەنگاندنا ڤێ کر بوو. ھەکە ژییێ من تێرێ بکە ئەز دخوازم ب وە را پارڤەکم. ( ئەڤ ب وەسیلەیا ڤێ کۆنفەرانسێ ژ بۆ دۆست و رەوشەنبیرێن بییانی دگۆتن) من ئامادەکارییێن عەقلی و دەروونی کرنە. ھەکە ئاشیتییا ترکییێ پێکوەرە دێ کارتێکرنێ ل ھەرێمێ بکە. و باندۆرا خوە ل دونیایێ بکە. ئەم ھەیڤەکێ بشوخلن دێ ئیسرایلێ بدن سەکناندن. ئەگەر ئەز بکاربم ستراتەژیا کوردان یا مینا دیناتییا غەززەیێ ئاستەنگ بکم، ئیسرایل دێ وەرە سەر خەت.
من پشینیارا دروستکرنا کۆمیتەیەکا ئینتەرناسیۆنالیست کربوو، من بەحسا ئەرتۆغرۆل و دووران کالکان کربوو، دکارن و کاری بکن؟ کارێ مە ل ڤڕ ل سەر هوندرێ ترکیەیێ یە و ئەڤ ژی کارێ دەرڤەیە.
پەروین بولدان: پلانا مە هەیە ب باخچەلی، داودئۆغلو و باباجان رە جڤینان لدار بخین، وە ژی داخوازا ئەنجامدانا جڤینێ ب داودئۆغلو رە کربوو.
سەرۆک: دەما نامەیا دۆغو پەرینچەک گهیشت وێ بەرسڤا وی بدم، پرتووکەکا داودئۆغلو یا ب ناڤێ کووراهییا ستراتەژیک هەیە، د یەکەم پرۆسەیا ئاشتیێ دە کەسەکی چالاک بوو، نامەیەکێ ژی ژ وی رە بشینن و ژێ رە ببێژن تە لڤینێن باش کرنە و ئەوێن د ناڤا پرتووکێ دە تە باس کرین دێ ببن راستی، ژ بۆی باباجان ژی گەر وە پێویست دیت نامەیەکێ بشینن.
سەرۆک: ئەو ژ شێنیێن رۆژئاڤایە نە وسایە؟ هوون روو ب روو ب وێ رە جڤیان؟
پەروین بولدان و ئۆزگوور: بەلێ د کۆنفەرانسێ دە بوو.
ئۆزگوور: ئەو دبێژە باندۆرەکە پڕ باش یا بانگا وە ل سەر رۆژئاڤا هەبوویە. باسی ڤێ یەکێ کر کو کۆمکوژییا نوسەیریان ل سووریێ ژ وێ یا کو تێ باسکرن مەزنترە.
سەرۆک: ب راستی؟
ئۆزگوور: بەلێ، ئێریش ل سەر زێدەتری 500 گوندان هاتیە کرن، وەکە ئێریشا ل سەر ئێزدییان ل شەنگالێ، دگۆ ب ڤێ رەوشا نها نکارن ژنان ل سووریەیێ ب لاوازی و بێی بەرەڤانکەر بهێلن.
سەرۆک: گەلۆ چ ژ عەلەویێن نوسەیری رە کریە؟
ئۆزگوور: رۆژێن بۆری کاروانەکی ئالیکارییێن مرۆڤی ژ وان رە شاندیە، لێ بەلێ حکوومەتا شامێ پێشی ل ڤی کاروانی گرت.
سەرۆک: پێشی لێ گرت؟
ئۆزگوور: جارەکە دن کاروانەک دن شاندیە، لێ بەلێ کاروانێ دویەمین گهشتیە.
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
