په‌یوه‌ندیێن پەکەکێ و ئیرانێ، رابووری، نها و داهاتی – به‌شێ «10»

په‌یوه‌ندیێن پەکەکێ و ئیرانێ، رابووری، نها و داهاتی – به‌شێ «10»

هاریکاریێن پارتی وە کرن کو پەکەکە ژ دۆرپێجا ئیران و ئێکەتیێ دەرباس بیت

د بەشا رابووری دا مە باس ل ڤێ یەکێ کر کو د 26ی ئیلۆنا سالا 2000ێ دا پەکەکە ئێریشی بارەگەهەکێ ئێکەتیێ ل گوندێ عەلێ رەش دکەت و هەژمارەک ژ پێشمەرگەیێن ئێکەتیێ شەهید دکەت، ب ڤێ یەکێ شەرێ ناڤبەرا پەکەکێ و ئێکەتیێ دەست پێ دکەت. ئەڤ شەرە تاکو دەستپێکا مەها یەکەمین یا سالا 2001ێ بەردەوام بوو و پاشان هەر ل داویا ڤێ مەهێ ئاگربەست هات راگەهاندن.

د دەما شەری دا جەنەرالێن سوپایێ پاسدارێن ئیرانێ هاریکاریا ئێکەتیێ دکر داکو پەکەکێ دۆرپێچ بکەن. د وی دەمی دا رێڤەبەریا پەکەکێ د تەلەفزیۆنا خوە دا یا ب ناڤێ “Med” تیڤی ، داخویانیێن یەک ل پەی یەک ددان، موراد قەرەیلان ل 24/12/2000ێ دا راگهاند ئێکەتیێ ل گەل دەولەتا ترکیێ رێکەفتن کریە. قەرەیلان گۆت یەک ژ بەندێن رێکەفتنا د نێڤبەرا یەنەکێ و ئەنقەرێ دا، کوشتنا سەرکردەیێن پەکەکێ یە و ئاماژە ب ڤێ یەکێ کر کو ترکیا دخوازیت ب هاریکاریا ئێکەتیێ د سەناریۆیەکا وەکو یا کوشتنا “جەوهەر دودەیەڤ”، یێ سەرۆکێ چیچانێ، سەرکردەیێة پەکەکێ ژی بکوژیت.

پەکەکێ دخوەست ڤی شەری ژی وەکو کۆمپلۆیەک ناڤنەتەوی بدەتە ناسکرن

ل 25/12/2000ێ دا عەلی حەیدەر قەیتان ل سەر ئەکرانێن تەلەفزیۆنا پەکەکێ دا دیار بوو و راگهاند: “ئێکەتیێ 1000 لەشکەرێن ترکیێ ئانینە سلێمانیێ داکو ئێرشی پەکەکێ بکەن، تەڤی ڤان لەشکەرێن ترکیێ ئێکەتیێ هەژمارەک لەشکەرێن ئیسرائیلی و بەریتانی و ئەمەریکی ژی ئانینە و هاریکاریا ئێکەتیێ دکەن. گۆت ئارمانجا وان دەستەسەرکرنا رێڤەبەرێن پەکەکێ یە.

ئارمانجا ئیرانێ ژناڤبرنا پەکەکێ نەبوو ب تەنێ دخواست پیچەکێ وان تەنگاڤ بکەت

یا کو سەرنجا مرۆڤی رادکێشیت ئەڤەیە کو چ یەک ژ رێڤەبەرێن پەکەکێ باسی ئیرانێ نەکر، د دەمەکێ دا کو گەلەک ئاشکەراا بوو ئەڤە ئیرانە کو شەرێ ل دژی پەکەکێ ئیدارە دکەت. هیچ یەک ژ پرۆپاگاندایێن پەکەکێ راست نەبوون و هەموو بێ ئەساس و ب تەنێ ژ بۆی چەواشەکرنێ بوون، د راستی دا یێن کو شەرێ پەکەکێ دکر ب تەنێ لەشکرێ ئیرانێ و پێشمەرگەیێن ئێکەتیێ بوون. ب چ رەنگا شەر ووسا نەبوو کو پەکەکێ قالا وێ دکر و دخواست بکەتە پیلان و پیلانگێریەک ناڤنەتەوی، ب تەنێ ئیرانێ دخواست پیچەکێ پەکەکێ تەنگاڤ بکەت و بێخیتە بن فەشارێ دا.

پەکەکە د رەوشەکا گەلەک خراب دا بوو، ب رەنگەکێ کو ئیران دکاری دربەکێ مەزن لێ بدەت و رێڤەبەر و گەریلایێن وێ دەستەسەر بکەت. لێ لایەنەێ کو پیلانا ئیرانێ پووچکری پارتی بوو. پارتی رێ ل همبەری پەکەکێ ڤەکر و ژ لایێ لۆجیستی ژی هاریکاریا پەکەکێ کر. هاریکاریێن پارتی پەکەکە ژ دۆرپێچا ئیران و یەنەکێ  رزگار کر.

شەهیدبوونا 120 گەریلایا و ڤەشارتنا پرسگرێکێن ناڤخوە

ئەڤ شەرە بوو سەدەم کو پەکەکە 120 گەریلایا ژ دەست بدەت. لێ سەرەرای ڤێ یەکێ، ڤی شەری ژ بۆ پەکەکێ هندەک قازانج ژی هەبوون. قازانجا پەکەکێ یا هەری بەربچاڤ ئەڤە بوو کو پەکەکە کاری ب ڤی شەری کێشە و ئالۆزیێن د ناڤا رێخستنا خوە دا ڤەشێریت و بێدەنگ بکەت. هەژمارەک ژ کادرێن پایەبلند یێن پەکەکێ، ژ هەلوەستێن عەڤدلا ئۆجەلان د دادگەها ترکیێ دا نەرازی بوون و هندەک کادرێن دی باوەری ب رێڤەبەرێن نوو یێن پەکەکێ نەبوو. هەڤ دەم باسکێ ژنان ژی د ناڤا پەکەکێ دا ژ رەوشا خوە نەرازی بوون ب ئاوایەکی کو هندەک ژ وان هاتبوونە زیندانیکرن. هەر وەها ب سەدەما شەرێ ل دژی ئێکەتیێ ئەڤ پرسگرێکە هەموو هاتنە پەردەپۆشکرن. پەکەکێ ب هاریکاریا پەدەکێ خوە ژ دۆرپێچا ئیران و ئێکەتیێ دەرباس کر و کاری ئەردێ ل بن دەستهلاتا خوە دا بەرفرەهتر بکەت.

دیار بوو ئارمانجا ئیرانێ ژناڤبرنا پەکەکێ نەبوو، بەلکو ئیرانێ دخواست پەکەکێ زێدەتر بێخیتە بن کۆنترۆلا خوە و وێ بکەتە یەک ژ رێخستنێن تەمام گوهداری سیاسەت و ستراتەژییا ئیرانێ. ژبەرکو ئیرانێ ووسا هەست دکر پەکەکە جارنا ژ کۆنترۆلا ئیرانێ دەردکەڤیت.

ئیرانێ ب رێیا لەشکری پەکەکێ ناچار دکەت سەرێ خوە ل همبەر هەموو خواستەکێن ئیرانێ بچەمینیت

کۆمارا ئیسلامی یا ئیرانێ هەر دەما کو هەست ب ڤێ یەکێ کربیت کو پەکەکە دخوازیت ل بن کۆنترۆلا تەهرانێ دەرکەڤیت، شەرەک خولقاندیە و ب رێیا لەشکری پەکەکە ناچار کریە سەرێ خوە ژ بۆی تەڤ فەرمانێن ئیرانێ بچەمینیت. لێ بەلێ، د شەرێ سالا 2000ێ دا ئالیکاریا پەدەکێ ژ بۆی پەکەکێ رێگری ل ئیرانێ کر کو بکاریت پیلانێن خوە ب تەمامی ب جیهـ بینغف و تێدا سەرکەڤیت، ب ڤێ یەکێ پەکەکە کاری خوە ژ تەسلیم بوونا یەکجاری رزگار بکەت.

پشتی شەرێ سالا 2000ێ، هەرچەند کو پەیوەندیێن پەکەکێ و ئیرانێ ب داوی نەهاتن، لێ بەلێ، پیچەکێ ساری تێدا دروست بوو کو ئەم دێ د بەشا بهێت دا ب هۆرگلی باس کەین.

ڤێ مژارێ بەردەوامی هەیە…

پوستێن ھەمان بەش